LAOAG CITY – Impakaammo ti Federal Bureau of Investigation a ti nagmaneho ti lugan a nangdarusdos kadagiti tattao idiay New Orleans ket natayen, ken maim-imbestigaran nu ti panagatake ket maysa nga act of terrorism.
Immunan a nakumpirmaran a 10 a tattao ti natay iti insidente a napasamak iti Bourbon Street, New Orleans.
Segun ken ni New Orleans police superintendent Anne Kirkpatrick, malaksid kadagiti natay ket adda pay ti 35 a sabsabali a nasugatan iti nasao a panagatake.
Impasigurado ti Federal Bureau of Investigation a lead investigative agency a makipagtrabaho da kadagiti partner-da tapno maibestigar a nasayaat ti nasao a pasamak.
