LAOAG CITY – Nagbaliktad ti maysa a 10 wheeler truck kalpasan a napukawan ti kontrol ti manibela ken bimtak ti ligayna iti Brgy. Bingao iti ili ti San Nicolas.
Segun ken ni Police Major Reginaldo Dalipias, ti Hepe iti Philippine National Police iti nasao nga ili, nabigbig ti driver a ni Bryan Tabac, agtawen ti 25, naasawaan ken residente iti Brgy. Camandingan iti siudad ti Batac.
Inbatadna a basar iti insayangkatda nga imbestigasion, kabayatan a dumaldalysat nga agpa-amianan ti nasao a truck ngem idi nakadanon daytoy iti sumang-at a paset iti nasao a kalsada ket saan a nakontrol ti manibela ti driver gapu iti kinadagsen ti kargana a darat daytoy.
Inlawlawagna nga apaman a natulid ti 10 wheeler truck ket adda ti nasanudanna a kotse a nakaparada iti nasao a kalsada.
Kunana a dagus met a nagresponde dagiti kameng ti Philippine National Police iti ili ti San Nicolas ken Department of Public Safety.
Innayonnna a nagsagaba ti sugat iti sumagmamano a paset ti bagi ti maseknan a driver ken saan a nabartek idi napasamak ti desgrasia.
