LAOAG CITY – Inpasingked ni Dr. Joan Corpuz, Schools Division Superintendent ti Schools Division Office ditoy siudad ti Laoag a 100% a nakasaganan dagiti amin a pagadalan ditoy siudad ti Laoag maysa a lawas sakbay ti panagsubli ti klase dagiti estudiante.
Segun kenkuana, naggigiddan a nangisayangkat ti school based kick-off dagiti amin a pagadalan ditoy siudad ti Laoag ita nga aldaw.
Inbatadna a daytoy ket maysa a wagas nga ar-aramidenda tapno maipasigurado ti kinasagana dagiti amin a pagadalan a mangakomodar kadagiti agad-adal.
Inlawlawagna nga agtultuloy ti summer reading program ken summer math program kabayatan a manarimaan ti pannakaisayangkat ti brigada eskwela tapno ad-adda a maisagana ti panunot dagiti estudiante sakbay nga agsubli dagitoy iti panagadal.
Kabayatanna, inpakaammo ni Dr. Corpuz a mairubuat inton Biernes, Hunio 5 ti Library Hub ti Schools Division Office ditoy siudad ti Laoag no sadinno a mabalin a bumulod dagiti pagadalan kadagiti learning ken supplemental materials.
