LAOAG CITY – Napasamak ti maikadua a kapigsaan a panagputok ti Kilueau Volcano idiay Big Island, Hawaii.
Daytoy ti inpakaammo ni International Bombo Correspondent Manny Pascua.
Segun kenni Pascua, narikna ti magnitude 4.2 a gingined ken kalpasan ti dua a minutos ket nagipugso ti asok ken dapo iti nasao a bulkan.
Gapo iti daytoy, nagtalinaed a nakarikep dagiti nagduduma a pasdek ken saan a mapalubusan nga agtrabaho dagiti Pilipino iti asideg ti nasao a bulkan.
Inbatad na nga agarup 100 nga istraktura dagiti dinadael ti lava idiay Puna District.
Manipud ti nasao a dagup, nasurok 50 a pagtaengan nkadagitoy ti nairaman a nadadael.
Kunana nga adda ti maiyus-uswat nga house to house inspection tapno makapanaw dagiti amin a residente iti nasao a lugar gapo ta adda dagiti sumagmamano a tattao nga agkedked nga agibakwit.
Kabayatanna, nakaanges ti nalukay dagiti residente iti Ka’u District nangruna dagiti Ilokano gapo ti panagarbis na ken nadalusan ti lugar manipud iti dapo nga inpugso ti bulkan.
