LAOAG CITY – Naipaima ti agarop 1000 packs a bagas (5kg/pack) iti ili ti Pinili manipod iti National Grid Corporation of the Philippines .
Daytoy a programa ket addan iti tema a NGCP CARE wenno National Grid Corporation of the Philippines Calamity-Affected Relief Efforts.
Segun iti National Grid Corporation of the Philippines daytoy a proyekto ket panggep na ti mangipaay iti tulong kadagiti umili a naapekataran kadagiti naglabas a bagyo .
Naammuan nga amin a munasipalidad ditoy probinsia ket naipaayan ti kastoy a tulong manipod National Grid Corporation of the Philippines .
Mainaig iti daytoy , inwayat daytoy ti National Grid Corporation of the Philippines nga agserbi a panangawag iti tulong tapno masustiner ti inaldaw a kasapulan nangruna kadagiti pamilya a nakaro a naapektaran.
Maipalagip a nagsasaruno iti bagyo a dimupkrak iti napalabas a tawen no sadinno nga ado dagiti naapektaran a pamilya ditoy probinsia.
