LAOAG CITY – Manamnama a maikkan ti 10,000 a pisos dagiti mapili a foster parents ditoy ciudad ti Laoag babaen ti National Government iti pannakikoordinar da iti City Social Welfare and Development Office ditoy ciudad.
Daytoy ket gapu pay laeng ti kinaado dagiti naabanduna nga ubbing iti nasao a ciudad.
Segun ken ni Sang. Panlungsod Juan Conrado Respicio iti Phil. Social Welfare Office ket kalikagomda ng adda dagiti maestablisar a foster parents iti tunggal lokal a gobierno, no sadinno nga isuda ti mangadaptar kadagiti naabanduna nga ubbing.
Kunana a mabalin pay a maadaptar dagiti ubbing dagiti adda iti sabali a pagilyan no la ketdi kompleto ti papel da.
Innayonna a masapol met a mataripato dagiti naabanduna nga ubbing gapu ta masapol da met daytoy.
Kabayatanna, ginutigot na dagiti amin a lokal a gobierno ditoy probinsya nga itandudo da ti foster parent program.
