LAOAG CITY – Naaawaten ni Bernie Lazo, alyas Bayaw ti gunguna na kalpasan ti panangitudo na ti suspek ken mastermind ti pannakapapatay ni dati a Mayor Arsenio Agustin iti ili a Marcos.
Naipaay kenni Lazo ti 100,000 a pisos manipud ti League of Municipalities of the Philippines na idadauloan ni Dingras Mayor Erdio Valenzuela.
Naimatangan met dagiti sabsabali a personalidad agraman da Mayor Rene Gaspar, secretary ti LMP kenni Mayor Nicomedes Dela Cruz.
Iti pannakiuman ti Bombo Radyo Laoag kenni Valenzuela, kuna na a pammaneknek daytoy gapu ta seryoso da kadagitoy a banag.
Mainaig iti daytoy, inpasingked ni Bernie Lazo a saan a malpas ti kaso ni Mayor Jessie Ermitanio nga intudo na a mastermind ket takderan na daytoy.
Nagyaman ni Lazo a naitungpal ti inkari ni Mayor Valenzuela ken ti LMP para ti gunguna ti makaitudo ti suspek.
