LAOAG CITY – Inpasigurado ni Lt/Col. Felipe Jaramilla, Commander ti 102nd Infantry Battalion ti Philippine Army, a nakaalerto ti nakaalerto para iti anibersario ti Communist Party of the Philippines ita nga aldaw to Disiembre 26.
Segun kenkuana, awan pay ti namonitor nga aktibidad ti New People’s Army ditoy probinsia ken kalikagum da nga agbalin nga “insurgency-free” iti nasao a lugar.
Kinunana nga agtultuloy ti naiget a panangmonitor dagiti tropa ti militar iti rehion.
Innayonna nga adda dagiti isaysayangkat da security patrol iti beddeng ti Apayao ken Abra tapno maipasigurado ti seguridad.
Mainaig iti daytoy, inkari ni Jaramilla nga agtultuloy ti serbisioda tapno masigurado a maipaay ti linak, talna ken urnos iti lugar.
Kabayatanna, kuna ni Jaramilla a napateg ti panagtitinnulong ti komunidad ken dagiti otoridad tapno maipaay ti naan-anay a serbisio ken seguridad iti umili ditoy probinsia.
