LAOAG CITY – Umabot iti 103 nga indibidual dagiti dimmalan iti swab test a contact dagiti nagpositibo maipud iti Barangay 3 San Andres, Barangay 7 San Pedro ken Barangay Pasciocan iti ili ti Bacarra.
Daytoy ti inbatad ni ABC President George Padre iti ili ti Bacarra bayat nga agtultuloy ti naiget a conatct tracing.
Segun kenni Padre, maysa iti kada pagtaengan ket dumalan iti swab test nangruna dagiti adda iti 500 meter radius manipud iti balay ti nagpositibo.
Inbatad na a babaen iti daytoy ket madeterminar dagiti nakaptan ti virus.
Mainaig iti daytoy, kunana nga iti ili da ket nakaro a naapektaran ti Barangay 3 ken Barangay 7 nga isu ti nakaipatugpalan ti total lockdown kasta pay iti Barangay Pasiocan no sadinno a sumagmamano a parte daytoy ti nalockdown.
Immapela met ti Padre iti kailyan na a makikooperar tapno naan-anay a malabanan da ti problema a simmangbay iti ili da.
