LAOAG CITY – Kumpiansa ni Bicol Saro Partylist Rep. Terry Ridon a makaala ti umdas a butos ti Kamara de Representantes tapno ma-impeach ni Vice President Sara Duterte.
Inbatad ni Ridon a nakaukkonen ti panel ti 53 a butos para iti probable cause.
Maipalagip nga idi Pebrero 2025, na-impeach ni Duterte iti Kamara de Representantes iti babaen ti 215 a butos ngem inbasura ti Senado ti kaso kalpasan nga indeklarar nga unconstitutional ti Korte Suprema.
Agtataripnong manen inton bigat, Mayo 4 ti House Committee on Justice tapno aprobaran ti committee report ken pagbubutosan iti plenario.
Naammoan a no magun-od ti minimum a 106 a butos, maminsan manen a maiyuli iti Senado ti Articles of Impeachment kontra iti Bise Presidente para iti “full trial.”
Kuna ni Ridon nga ipaima ti House justice panel kadagiti miembro ti Kamara de Representantes nga agbutos basar iti konsensia ken ebidensia.
