LAOAG CITY – Nagimbag ti 106 a pasyente ti COVID-19 idinto a 95 dagiti nagpositibo ditoy probinsya.
Iti datus ti gobyerno probinsyal, umaboten ti 3614 ti total recoveries ken 1050 ti aktibo a kaso.
Manipud kadagiti baro a kaso, 20 ti baro a kaso ditoy siudad ti Laoag, 17 iti ili ti Currimao, 15 iti Bacarra, agpada nga innem ti baro a kaso iti ili ti Sarrat ken Carasi, agpada nga uppat iti Dingras ken Pagudpud, sagtatallo ti kaso iti Vintar, Marcos, Burgos, ken Solsona, sagdudua iti Paoay, Badoc, Pinili ken iti siudad ti Batac, ken saggaysa iti Dumalneg, Pasuquin ken San Nicolas.
Umaboten ti 4747 ti kaso ti COVID-19, idinto a nagtalinaed a 83 dagiti pimmusay.
Kaaduan pay laeng ditoy siudad nga addaan iti 402 ti aktibo a kaso, 108 iti siudad ti Batac, 76 iti ili ti Bangui, 55 iti San Nicolas, ken 53 iti ili ti Bacarra.
