LAOAG CITY – Negatibo ti resulta ti swab test dagiti 11 a nakapulapol ni IN-C675, agtawen ti 47, maysa a lalaki ken maibilang nga Authorized Persons Outside Residence (APOR) a Cargo Driver ditoy Siudad ti Laoag.
No pay kasta, kuna ni Barangay Chairwoman Elena Matias ti Brgy. Talugtog iti ili ti Solsona a nagtalinaedda a naka-home quarantine dagitoy kas panangsurot ti maipatpatungpal nga health protocols.
Maipalagip a karaman a dimmalan ti swab test da Barangay Chairwoman Elena Matias iti Brgy. Talugtog iti nasao nga ili pakairamanan ti maysa a Barangay Health Worker ken maysa a Barangay Tanod kalpasan a dagitoy ti nangala ti temperatura ni IN-C675 idi simmangpet iti pagtaenganda.
Kuna ni Matias a nagtalinaed iti Takuat Training Center iti ili ti San Nicolas ni IN-C675 para iti pannakakumpleto ti 14-Day Quarantine period.
Kabayatanna, inlawlawag ti Barangay Chairwoman a saan a positibo iti COVID-19 isuna.
Daytoy ket kalpasan nga adda dagiti damag naipadanon kenkuana nu sadino a rumrumuara positibo daytoy iti laksid a maiyur-uray pay laeng ti resulta ti swab test na.
Iti agdama ket naikkaten ti lockdown iti Sitio 1 iti Brgy. Talugtog iti ili ti Solsona.
