LAOAG CITY – Umabot iti 11 a tattao ti natay kalpasan a nagswek ti maysa a civilian aircraft a nagluganan dagiti skydivers iti ili ti Tomblaine iti dayaen ti France.
Ti piloto ken 10 a pasahero ket natay iti insidente, pakairamanan ditoy ti lima nga estudyante ken lima nga instructors.
Basar iti report, ti eroplano ket nausar babaen ti parachutist school, ken napasamak ti insidente kalpasan a nagtayab manipod iti Nancy-Essey airfield.
Nagturong a dagus ti French interior minister iti nakapasamakan ti insidente.
Iti agdama, naiget ti iwaywayat nga imbestigasyon dagiti otoridad mainaig iti insidente.
