LAOAG CITY – Umabot iti 11 a tattao ti natay kalpasan ti rinnupak iti nagbaetan ti agkalaban a grupo iti estado ti Chiapas iti southern Mexico.
Basar iti report, karaman kadagiti natay ket ti dua a madre ken menor de edad.
Naamoan a ti nadakamat a lugar ket isu ti naiget a paglalabanan ti Sinaloa cartel ken ti Jalisco New Generation Cartel (CJNG).
Nupay kasta, kinumpirmaran dagiti residente a dagiti biktima ket agpapada a sibilyan ket minasaccre dagit miembro ti cartel.
Inpakaammo dagiti pulis ken soldado nga iti panagsukisok da iti lugar ket nakarekobre da ti 11 a bangkay iti village ti Nuevo Morelia.
Mismo a ti Diocese of San Cristóbal a karaman kadagiti pimmusay ket ti dua a madre nga agserserbi iti Catholic Church.
Maipalagip nga agpada nga ilablaban ti dua a grupo ti panangkontrol da iti lugar, addan sumagmamano a tawen ti napalabas.
