LAOAG CITY – Kinumpirmaran ni President Donald Trump a nangipabanto ti strike ti Estados Unidos kontra iti maysa a bangka a nagkarga ti droga iti paset ti southern Caribbean, a nakatayan ti 11 a “Narcoterrorists”.
Iti post ni Presidente Trump, inrakurak na a ti US military operation ket pinuntirya na dagiti miembro ti Venezuelan gang Tren de Aragua.
Inpetteng ni Trump a ti bangka ket adda iti international waters ken agibibiyahe ti naruay nga llegal illegal narcotics a maiturong iti Estados Unidos.
Maipalagip a pinapigsa ti administrasyon ni Trump ti militar ken political pressure kontra ken ni Venezuelan President Nicolás Maduro kadagiti napalabas a lawas, no sadinno nga adda pay ti inparuk-at na a $50m a gunggona para iti makaipaay ti impormasyon iti pannakaarestar na gapu iti kaso a panaglako iti droga.
Nupay kasta, inkari ni Maduro a labanan ti Venezuela ti aniaman a gandat a pannakibiang ti militar ti Estados Unidos.
