LAOAG CITY – Umabot iti 110 a pasdek negosyo iti Pinili, Banna ken Dingras ti binisita dagiti pannakabagi ti Consumer Protection Division ti Deparment of Trade and Industry pakairamanan ti local price coordinating councils.
Daytoy ket kas paset ti selebrasyon ti Consumer Welfare Month ti nadakamat nga ahensya.
Malaksid iti dayta, gagem ti nasao a panagbisita kadagiti pasdek negosyo a makita nu masursurot a naimbag ti fair trade law.
Karaman ditoy ti pannakapatibker ti pannakabinnulig iti local price coordinating council ditoy probinsya.
Naamoan a kangrunaan a nabisita ket ti groceries, market stalls, panaderia, parmasya ken construction supplies retaliers.
