LAOAG CITY – Naarestar ti 115 a maipagarup a miembro ti Islamic State idiay Turkey.
Daytoy ket kalpasan a rumrummuar a nangplano kadagiti panangraut kabayatan ti holidays kas maibasar iti Istanbul’s prosecutor general.
Gapu iti daytoy, inbilin ti Prosecutor’s Office ti pananglapped kadagiti 137 a tattao no sadinno 115 kadagitoy ket inarestarda.
Naammoan a ti Turkey ket addaan ti 900 a kilometro wenno 559 a milya a border idiay Syria no sadinno nga aktibo latta dagiti jihadist group.
Kabayatanna, naakusaran ti Islamic State ti maysa a panangatake iti katengngaan ti Disiembre a nakatayan ti dua a suldado ti Estados Unidos ken maysa a sibilian.
