LAOAG CITY – Naduktalan nga agarop 115 nga ektarya a mula ti bawang ti addaan ti sakit a cercospora leaf spot wenno ratik a naala gapo iti panagarbis ken panagtudo iti napalabas idiay San Nicolas.
Daytoy ket naduktalan sipud immay dagiti pannakabnagi ti Regional Crop Protection Center.
Naamoan a nagala dagiti maseknan ti sample kadagiti mula a bawang ken ditoy a naduktalan nga agsagsagaba da ti sakit.
Segun kenni Mrs. Cecilia Zambrano, ti Municipal High Crop Coordinator iti ili ti San Nicolas, no agsakit dagiti mula a bawang ket babassit ti maapit ken maapektaran dagiti mannalon.
Gapo iti daytoy, inrekomendar da ti panagaplikar da ti insurance tapno masubbot da dagiti nausar da iti panagmula.
Nupay kasta, kuna na kadagupan iti agrop 200 a mannalon ti bawang ket 30 pay laeng dagiti nakaaplikar.
Naamoan nga awanen ti tyansa a masalbar dagiti mula a bawang ngem mabalin latta a maapit.
