LAOAG CITY – Umabot iti 12 a barangay ti napukawan ti suplay ti kuryente kabayatan ti iduduprak ti Super Typhoon Egay ditoy ciudad ti Laoag idi rabii.
Daytoy ti inbatad ni Mr. Jerry Fermin, ti City Disaster Risk Reduction and Management Officer ditoy ciudad.
Kuna na nga inreport da a dagus daytoy iti Ilocos Norte Electric Cooperative (INEC) ngem kasapulan laeng ti naan-anay a panaganus no saan nga insigida a maisubli ti suplay ti kuryente kadagiti nadakamat a barangay.
Segun ken ni Fermin, malaksid ti panagpukaw ti suplay ti kuryente iti 12 a barangay ditoy ciudad ket adda pay dagiti sumagmamano a poon ti kayo a natumba gapu iti bagyo.
Immuna iti daytoy, inpakaammo ni Fermin nga adda dagiti napan nagpaing iti Barangay Madiladig kalpasan a nalakon da manipod iti papanda panagipastor kadagiti taraken da.
