Nasugatan dagiti 12 a pasaheros iti maysa a bus kalpasan a naaksidente iti Brgy. Baruyen iti ili a Bangui.
Nabigbig ti driver a ni David Garcia Jr., agtawen ti 67, naasawaan ken residente iti Brgy. Sagugui iti ili a Pagudpud.
Basar iti imbestigasyon, bayat nga agpapaamianan a direksyon ti nasao a bus ket kellaat a naawanan ti kontrol ti manibela a nangitunda ti pannakadesgrasya na.
Gapu iti daytoy, nagsagaba ti sugat dagiti 12 a pasaheros iti nagduduma a paset ti bagida rason a naitaray dagitoy iti Bangui District Hospital ngem naiyakar dagiti tallo a biktima iti Laoag City General Hospital.
