LAOAG CITY – Umabot iti 12 a Pilipino dagiti nagturpos ti kina doktor iti maibilang a kadakkelan nga unibersidad idiay Hawaii.
Inbatad ni Bombo International Correspondent Manny Pascua idiay Hawaii a daytoy pay laeng ti kadakkelan a bilang dagiti nagturpos ti kina-doktor idiay Hawaii.
Kuna na a malasin dagiti Pilipino a nagturpos ti kina-doktor iti John A. Burns School of Medicine – University of Hawaii gapu ta kabayatan ti graduation ket naipan iti toga da ti bandera ti Pilipinas.
Inbatad na a karaman kadagiti nagturpos a Pilipino ket ni Arcelita Imasa a taga Manaoag, Pangasinan ngem agdama nga agnanaeden idiay Hawaii.
Innayon na a ti pay nagbalin a guest speaker da ket ni Doctor Selina Hayashie a maysa met laeng a Pilipino.
