LAOAG CITY – Napilaanen ti kaso administratibo ti 12 a pulis a karaman iti panagpukaw dagiti mammallot.
Inbatad ni National Police Commission Investigation and Monitoring Director Edman Pares, adda ti umdas nga ebidensia tapno pilaan ti tallo nga opisial ken siam a non-commissioned officers.
Naammoan a dagiti karaman a naipila a kaso ket grave misconduct, irregular performance of duty ken conduct unbecoming of a police officer.
Mainaig iti daytoy, maysa kadagiti natibker a nangibasaran iti daytoy ti sworn affidavit ni Julie “Dondon” Patidongan.
Kabayatanna, inrakurak ni Justice Secretary Jesus Crispin Remulla nga addaanda ti baro nga iggem a testigo a mangpatibker kadagiti inbutaktak ni Patidongan.
Nagkedked ni Remulla nga inaganan ti testigo ngem inpasiguradona a dakkel ti agbalin a tulong daytoy iti kaso.
