LAOAG CITY – Umabot iti 12 a tattao ti natay iti napasamak nga engkwentro iti nagbaetan dagiti tropa ti Thailand ken Cambodia iti paggiinnagawan a border ti dua a pagilian.
Basar iti report, kaadoan kadagiti natay ket sibilyan ken naggapo amin dagitoy iti tallo a probinsya ti Thailand.
Malaksid kadagiti natay ket adda pay dagiti sumagmamano nga indibidual a nasugatan iti insidente.
Kabayatanna, agpapan ita ket awan pay ti kumpirmasyon ti Cambodia no adda met ti nairekord da a casualties.
Gapu iti napasamak ket pinaserraan ti Thailand ti border da iti Cambodia, idinto a ti Cambodia ket inpababa nan ti koneksyon da iti Thailand nga inakusaran na nga agus-usar ti “excessive force”.
Agpada met nga inbilin ti dua a pagilian kadagiti residente iti asideg ti border a pumanaw paylaeng iti lugar.
