LAOAG CITY – Umabot iti 12 a tattao ti natay iti napasamak a panagbettak iti ammunition and explosives factory iti north-west Turkey.
Malaksid kadagiti natay ket adda pay ti uppat a sabsabali dagiti nasugatan iti insidente.
Basar iti gobernador iti ciudad ti Balikesir a ni Ismail Ustaoglu, napasamak ti panagbettak iti capsule production section.
Kuna met ni Interior Minister Ali Yerlikaya a saan pay a masinunuo no ania ti nangitunda iti napasamak a panagbettak ngem ipetpetteng dagiti otoridad nga adda ti possible a panagsabotahe.
Mainaig iti daytoy, inpakaammo ni Justice Minister Yilmaz Tunc nga agtultuloy ti pannakaiyuswat ti naun-uneg nga imbestigasyon seknan iti napasamak a panagbettak.
