LAOAG CITY – Inpakaammo ni Gobernador Matthew Marcos Manotoc a 12 dagiti napili nga iskolar ti Doctor of Medicine Scholarship ditoy probinsya.
Segun ken ni Manotoc, naarisit a naimbag dagiti amin nga islokar.
Kuna na a dagitoy ket nasken a residente ditoy probinsya ken pasado da iti General Weighted Average wenno GWA.
Immuna iti daytoy, inpakaammo ni Manotoc nga adda ti Memorandum of Agreement (MOA) iti nagbaetan ti gobierno probinsya ken Mariano Marcos State University (MMSU) nga isu ti nakaiyestablisaran ti Colleg of Medicine para iti pannakaipatungpal ti nasao nga scholarship.
Mainaig iti daytoy, inlawlawagna na a dagiti napili nga iskolar ket mangipaay ti return service kadagiti government institutions kas ti municipal wenno city health office, rural health unit ken iti Governor Roque Ablan Sr. Memoral Hospital ditoy siudad ti Laoag.
