LAOAG CITY – Nakaiproseso ti Bureau of Immigration (BI) ti 167,538 dagiti pasahero idi Oktubre 31 ken Nobiembre 1.
Naaddaan ti panagngato ti 12% iti international travellers manipud iti 149,257 a dagiti pasahero a nairekord iti kapada a panawen iti napalabas a tawen.
Kabayatanna, nakairekord ti ahensia idi Oktubre 31 ti 41,078 arrivals ken 43,341 departures iti intero a pagilian.
Idi Nobiembre 1, inbatad ti Bureau of Immigration nga addaan ti 42,858 arrivals ken 40,261 departures.
Nakairekord ti NAIA Terminal 1 ti 14,931 arrivals ken 13,381 departures idinto ti Terminal 3 ket nakairekord ti 19,136 arrivals ken 19,431 departures.
