LAOAG CITY – Umabot iti 12 nga agkapareha dagiti naipaayan ti libre a kasar babaen iti “kasalang bayan” iti ili ti Pagudpud.
Daytoy ket indauloan ti PNP- Pagudpud ken local a gobierno babaen ken ni Mayor Rafael Benemerito.
Segun ken ni PLt. Bjay Calivoso, ti hepe ti PNP-Pagudpud, napili iti Valentine’s Day a pannakaiyuswat ti “kasalang bayan” gapu ta daytoy ti nakadywan ken espesyal nga aldaw.
Kuna na nga ad-addo koma pay dagiti naggundaway iti “kasalang bayan” ngem saan a nakaabot dagitoy iti panagiproseso ti nagduduma a dokumento sakbay ti kasar.
Nu pay kasta, inpakaammo ni Calivoso nga agtultuloy ti panagpailista da kadagiti agkalikagum nga agkasar gapu ta posible a maiyuswat iti kada bulan ti libre a panagpakasar saan laeng nga iti bulan ti Pebrero.
