LAOAG CITY – Maalarma ti maysa a doktor gapo ti panagngato ti bilang dagiti apektado ti sakit a HIV-AIDS ditoy probinsya.
Umaboten ti 12 a tattao a pakairamanan ti agtwen ti 18 a bulan nga ubing ti apektado iti nasao a sakit.
Ti nasao a sakit ket naapektaran a mismo ti ina na ngem nagkedked a mangidetalye ti doktor no kasano a na-transmit gapo ta pribado amin nga impormasyon mainaig kadagiti pasyente da.
Daytoy ti inbatad ni Dr. Marie Joyce Santos, infectious diease specialist iti Mariano Marcos Memorial Hospital and Medical Center iti ciudad ti Batac iti innuman ti Bombo Radyo Laoag.
Segun kenni Santos, adda pay ti pasyente da a natayen gapo iti nasao a sakit.
Kunana a 95 a porsiento kadagiti pasyente ket lallaki no sadinno a karaman iti MSM group wenno Men Sex with Men.
Innayon ni Santos a kaaduan kadagiti pasyente ket saan da nga ammo no kasano a nai-transmit kadakuada ti nasao a sakit.
