LAOAG CITY – Inpakaammo ni Bombo International News Correspondent Manny Pascua nga umabot iti nasurok 3,000 acres wenno nasurok 1,200 nga ektarya ti nauram iti bakante a lote iti Paia, Maui, Hawaii.
Iti nakalap na nga impormasyon manipud iti Maui Fire Department, napasamak ti uram idi kalman ken agtultuloy ti panagsebseb dagiti fire figthers.
Kuna na a 30 a porsiento ti nasebsebanen dagiti pannakabagi ti Maui Fire Department.
Naamuan a napudot ti tiempo iti nasao a lugar, ken alisto a nagramram ti apoy gapu ta nagango dagiti nakamula nga unas ken dadduma pay ken naangin ti nasao a lugar.
Innayon ni Pascua a naballaagan dagiti residente iti Paia iti possible a panagbakwit da.
