LAOAG CITY – Nairekord ti 122 a baro nga aktibo a kaso ti COVID-19 idinto a dua dagiti pimmusay ditoy probinsya.
Iti datus ti gobyerno probinsyal, pimmusay da IN-C4510, lakay, agtawen ti 61 ken residente iti Brgy. Aring, Badoc kenni IN-C4288, lakay, agtawen ti 75 ken resident iti Brgy. 7 Caunayan, Batac City.
Manipud iti 122 a baro a kaso, 24 ti baro a kaso iti ili ti Sarrat, 23 ditoy siudad ti Laoag, 13 iti siudad ti Batac, siyam iti Bangui, walo iti San Nicolas, agpada a pito iti Pasuquin, Burgos ken Paoay, innem iti Pagudpud, lima iti Dingras, agpada a tallo iti Currimao, ken Pinili, sagdudua iti Nueva Era, Badoc, ken Vintar, ken maysa iti ili ti Marcos
Gapu iti daytoy, umaboten iti 4062 ti kaso nga addaan ti 1024 nga active cases, 3496 recoveries kalpasan a nainayun ti 33 a nagimbag, ken 82 dagiti pimmusay.
Umaboten ti 362 ti aktibo a kaso ditoy siudad ti Laoag, 105 iti siudad ti Batac, 100 iti Bangui, 63 iti Badoc, ken 53 iti ili ti San Nicolas.
