LAOAG CITY – Umabot iti 127 a napissaan a pawikan ti napaluspusan iti baybay iti paset ti Sitio Remedion iti ili ti Currimao.
Daytoy ti inpakaammo ni Mr. Mardison Anical, field officer ti Pawikan Project ti Mead Foundation.
Segun ken ni Anical, pinaluspusan da dagiti pawikan sakbay ti alas-singko ti malem wenno sakbay a lumnek ti init.
Inbatad na a dagiti itlog ti pawikan a pinapissaan da ket aggapo iti Barangay 32-B, Lapaz ditoy ciudad ti Laoag.
Inpakaammo na a daytoyen ti maika-15 agingga iti 20 a gundaway nga adda dagiti pinaluspusan da a pawikan iti kabaybayan.
Kabayatanna, inbatad ni Anical a dimmalan da ti training maipanggep ti pawikan idi Oktubre 2025.
Ibilang na a dakkel a tulong da ti nasao a training gapu ta naaddaan ti awareness dagiti tattao no kasanu ti kinapateg dagiti pawikan iti environmental marines life.
