LAOAG CITY – Umabot iti 13 a pagtaengan iti Barangay 52-A, San Mateo ditoy ciudad ti Laoag ti mabanbantayan kalpasan ti panagpositibo iti virus ni IN-C717, maysa a mangisursuro a residente iti nasao a barangay.
Segun kenni Barangay Secretary Marissa Corpuz, dagiti 13 a pagtaengan ket naikkan senyales a dagitoy ti balay a mabanbantayan iti barangay.
Naamoan a dagiti pagtaengan a mabanbantayan ket adda iti Rizal St. ken saan nga agsasaruno dagitoy no diket adda dagiti nabaet-baet a balay a saan a maibilang a contact ti pasyente.
Inbatad na a manipud kadagiti 13 a pagtaengan ket adda dagiti napan gimmatang iti tianggi ni IN-C717, a maysa pay a negosyante.
Kunana nga apaman a naamoan da a nagpositibo iti virus ti nasao a pasyente ket dagus da nagtignay para iti contact tracing.
