LAOAG CITY – Umabot iti 13 a tattao dagiti nasugatan iti pannakadesgrasya ti maysa a van nga addaan ti plate number a WVX4922 idiay Barangay San Roque, Paoay, Ilocos Norte.
Iti inisyal nga imbestigasyon, bayat ti panagpapa-abagatan a direksyon ti van ket maipagarop nga adda ti inovertaken na.
Nupay kasta, possible a saan a nakontrol ti saan pay a nabigbig a driver ti manibela ket nagderderetso a nangitunda ti pannakatennag na iti kataltalunan.
Naamoan a ti nasao a van ket aggapo idiay ili ti Pagudpud.
Agpapada a naitaray iti Mariano Marcos Memorial Hospital and Medical Center idiay ciudad ti Batac dagiti saan pay a nabigbig a biktima.
Agtultuloy iti naiget nga imbestigasyon dagiti otoridad mainaig iti napasamak nga insidente.
