LAOAG CITY – Natay ti 13 a tattao ken dua pay ti agtultuloy a masapsapul kalpasan a nadungpar ti Indian navy speedboat ti maysa a passenger ferry iti kabaybayan ti Mumbai, segun kadagiti opisial.
Kuna ni Maharashtra state chief minister Devendra Fadnavis, tallo a navy personnel ti karaman kadagiti natay, idinto a nasurok a 100 a tattao ti naispal.
Makita pay iti footage ti insidente a naipost iti online a nagpul-puligos ti speedboat sakbay a nadungparna ti passenger ferry agingga a nabaliktad daytoy.
Kinuna ti Indian navy nga nagka-engine malfunction ti speedboat.
Iti agdama, agtultuloy pay laeng ti search and rescue operations para kadagiti dua a naiyaw-awan a pasahero.
