LAOAG CITY – Pimmusay ti 13 a tattao kalpasan ti tornado a napasamak iti tallo nga estado iti United States.
Uppat ti natay manipod iti Arkansas, dua iti Oklahoma ken pito iti Texas bayat a nasurok a 100,000 a tattao ti nasugatan.
Gapu iti nasao nga insidente ket naruay dagiti nadadael a pagtaengan pakairamanan dagiti imprastruktura.
Segun ken ni Sheriff Ray Sappington ti Cook County, Texas, a karaman kadagiti pimmusay ket ti dua nga ubbing nga agtawen ti dua ken lima.
Mainaig iti daytoy, ket nagawan pay iti suplay ti kuryente gapu iti nadakamat a tornado.
Iti agdama ket mannarimaan ti search operation dagiti otoridad bayat a sumagmamano a residente ket addadan kadagiti evacuation center.
Kabayatanna, nagballaag met ti National Weather Service, kadagiti umili iti Texas, Oklahama ken Arkansas nga agridam.
