LAOAG CITY – Maibalud ti 13 nga indibidual pakairamanan ti dati a government minister iti uneg ti maysa a bulan idiay North Macedonia.
Rumrummuar a gapu iti pyrotechnics ti nangitunda iti insidente a nakatayan ti 59 nga indibidual pakairamanan ti innem a menor de edad.
Malaksid iti daytoy, adda ti 197 a tattao ti nasugatan iti paset ti Kocani a maysa a lugar a pagnanaedan ti 25 a ribu nga indibidual iti daya ti capital Skopje.
Basar kadagiti otoridad, iligal nga agop-operar ti nasao a club ken naduktalan a kurang ti fire extinguishers ken emergency exits iti lugar.
Inbatad ni State Prosecutor Ljupco Kocevski, adda ti pakabuklan a 24 a suspek ngem tallo kadagitoy ket manarimaan a matamtaming iti ospital.
Inlawlawagna a dagiti maseknan nga opisial, club owner, miembro ti banda, police officers ken security guards a nangipalubos a sumrek dagiti menor de edad ken dagiti pyrotechnics ken nasken a mapagsungbat.
Kabayatanna, nangiwayat dagiti otoridad ti inspeksion kadagiti nightclubs ken cafes iti intero a pagilian ita a lawas.
