LAOAG CITY – Umabot iti 14 a lugar ditoy probinsia ti pakaipatungpalan ti greening project ti Department of Environment and Natural Resources.
Basar iti Sang Panlalawigan, dagiti pakaipatungpalan ti proyekto ket 2 nga area iti ili ti Pagudpud, 3 nga area iti ili ti Vintar, maysa iti ili ti Solsona, 2 iti ili ti Dingras ken 6 iti ili ti Nueva Era.
Inbatad ti junta probinsyal nga iti kada area ket umabot iti 5 nga ektarya ti pakaipatungpalan ti proyekto.
Gagem ti proyekto a mapagtalinaed ti pannakasalwad iti aglawlaw kangrunaan na dagiti kabanbantayan, ken ti pannakaprotehir ti natural resources ditoy probinsya.
Mainaig iti daytoy, adda ti katulagan iti nagbaetan ti Department of Environment and Natural Resources ken ti gobierno probinsyal tapno maipatungpal a dagus ti greening project kadagiti nadakamat a lugar.
