LAOAG CITY – Kinumpirmaran ti Commission on Elections (Comelec) nga umabot iti 14 ti naideklara a nuisance candidates ti nangipila iti Motion for Reconsideration.
Ngem amin a Motions for Reconsideration ket i-review pay laeng ti Comelec En Banc isu a mabalin a manayonan ti agdama a 66 a valid senatorial bets para iti 2025 midterm elections.
Mainaig iti daytoy, sinigurado ti komision a dagiti naideklara a nuisance candidates ket saan a naibasar iti financial capacity ti maysa a kandidato no di ket inadal da dagiti kandidato a manipud pay idi damo nangruna dagiti panggepda a pagbalinen nga ang-angaw laeng ti eleksion.
Manamnama a mairuar ti maudi a listaan dagiti kandidato sakbay ti Enero 2025 tapno maipinal dagiti balota.
Iti agdama, maisagsaganan dagiti printing machines nga usaren ti National Printing Office (NPO).
