LAOAG CITY – Umabot iti 14 a tattao ti natay kalpasan ti itatama ti napigsa a kimat iti Palabek Refugee Settlement idiay Uganda.
Basar iti report, dagiti biktima ket napan nagatendar iti church service idi timama ti napigsa a kimat iti nadakamat a lugar.
Naamoan a malaksid kadagiti natay ket adda pay ti 34 a sabsabali dagiti nasugatan iti insidente.
Kinumpirmaran ti local official a dagiti pimmusay ket agpapada nga ubbing.
Inbatad ti United Nations (UN) refugee agency a ti Palabek Refugee Settlement ket pagnanaedan ti 80,000 a refugees ken asylum seekers.
