LAOAG CITY – Umabot iti 14 a tattao ti natay idinto a dinosdosena a sabsabali dagiti nasugatan kalpasan a nagtupak ti dakkel a billboard bayat ti napigsa a tudo ken angin iti ciudad ti Mumbai idiay India.
Naamoan a ti nasao a billboard nga agatiddog ti 70 a metro ken agakaba ti 50 a metro ket nagtupak iti sumagmamano a balay ken ti petrol station iti nadakamat a lugar.
Basar kadagiti otoridad, adda pay ti sumagmamano a tattao a napupuk manipod kadagiti natupakan a balay.
Iti agdama, agtultuloy ti rescue operation bayat ti maiwaywayat a naiget nga imbestigasyon seknan iti nasao nga insidente.
