LAOAG CITY – Saan a mailadawan ti kinaragsak ti agtawen ti 14 a taga siudad ti Laoag kalpasan a naiyalat na ti balitok a medalya iti taekwondo poomsae idiay South Korea.
Nagturong ni Jaoquin Dominic Tuzon iti nasao a paglian idi Oktubre 26, idinto a naangay ti laban idi Oktubre 28.
Segun kenni coach Glenn Buenafe, si Tuzon laeng ti kwalipikado a nakipaset iti kompetisyon, kalpasan ti tallo a tawen a panagsanay kas maysa kadagiti pannakabagi ti Pilipinas.
Mainaig iti daytoy, manamnama ti selebrasyon a maangay iti panagawid ni Tuzon ditoy siudad ti Laoag.
Kuna ni Coach Buenafe nga adda pay ti laban ti baro intono Nobyembre 4, idiay Metro Manila.
