LAOAG CITY – Nairekord ti probinsya ti 148 a baro a kaso ti covid-19 idinto a 229 dagiti baro a nakarekobre ita nga aldaw Agosto 18.
Iti inparuk-at a datos ti gobierno probinsyal, manipod iti 148 a baro a kaso ket 48 ti nairekord ditoy siudad ti Laoag, ti kangatoan iti intero a probinsya.
Sumaruno iti ili ti Sarrat nga addaan ti 18 a baro a kaso, 15 iti Dingras, 12 iti ciudad ti Batac , 10 iti San Nicolas, sag-9 iti Badoc ken Nueva Era, 8 iti Bacarra, 6 iti Bangui ken 4 iti ili ti Piddig .
Mainaig iti daytoy, nakairekord met ti sagdudua a baro a kaso iti Marcos ken Solsona, ken saggaysa iti ili ti Currimao, Paoay, Pasuquin, ken Vintar.
Iti agdama, addan ti pakabuklan a 4402 ti pakabuklan ti active cases, 8254 recoveries idinto a nagtalinaed a 156 dagiti pimmusay ditoy probinsya.
Agtultuloy ti panawagan ti gobierno probinsyal iti kanayun a panangsurot ti minimum health protocols tapno naan-anay a maliklikan ti panagwaras ti covid-19.
