LAOAG CITY – Naireport iti National Housing Authority ti 1,497 a partially damage ken 19 a totally damage a pagtaengan ditoy probinsia babaen iti 1st District Congressional Office.
Babaen ti inisyatibo ti Congressional Office ken ti Provincial Government ket nakiikoordinar da iti nasao nga ahensya ti gobierno tapnu maipaayan ti tulong dagiti nadadaelan ti pagtaengan kabayatan ti iduduprak ti bagyo Nando.
Kuna ti opisina nga adda dagiti proseso tapno magundawayan da ti tulong kas iti panangireport da iti lokal a gobierno para iti pannaka-validate na.
Malaksid iti daytoy, masapol a maalaan pay ti ladawan ti pagtaengan a nadadael ken sertipikaran ti kapitan, kasta met ti kopya ti ID nga adda ti tallo a pirma na.
