LAOAG CITY – Inbatad ni Agent Lorie Agunat iti Philippine Drug Enforcement Agency (PDEA) ditoy probinsya nga agtultuloy ti panagawat da kadagiti agaplikar para iti pannakadalos ti barangay manipod iti illegal a droga tapno maideklara a drug cleared.
Inbaga ni Agunat nga agingga idi kalman ket adda iti 12 a barangay a nadalusan da manipod iti illegal a droga.
Kuna na a dagiti nasao a barangay ket manipod iti ili ti Pasuquin, Pagudpud ken Vintar.
Innayon na nga umabot amin ti 72 a barangay iti intero a probinsya ti apektado ti illegal a droga.
Segun pay ken ni Agunat, kalpasan a nadalusan da ti 15 a barangay ket adda pay ti 57 a barangay a kasapulan a madalusan manipod iti illegal a droga ditoy probinsya.
