LAOAG CITY – Isagsaganan ti PNP Anti Cybercrime Group manipud Camp Crame nga indauloan ni P/Sr/Supt Eros Miranda ti maipila a rekmalo kontra kadagiti ag-live-in partner a da John Chan Lim a maysa a Taiwanese national ken ni Elen Hankins Ballesteros a taga Dingras, ilocos Norte.
Daytoy ket kalpasan a nagpositibo ti naisayangkat a search warrant operation weno raid iti compound dagiti ag-live-in a no sadinno nga adda bodega ditoy.
Iti nasao a bodega ket adda innem a kuwarto na nga adda cubicle na ken maysa a function hall.
Ditoy a naala dagiti nagduduma a klase ti communication gadgets kas iti cellphone, telepono, laptop, computer ken printer a maipagarup nga us-usaren da iti illegal nga operasyon.
Segun ken ni P/S/Inps. Chris Sorsano, Hepe ti Pulisya ti ili ti Dingras, dagiti nasao a gadget ket us-usaren da iti maipagarup nga extortion kadagiti tawtawagan da kas iidiay China ken Taiwan…VC ..cue out…remmitance..
Malaksid kadagiti nasao a gadget ket adda pay naala da a “fruit game machine”.
Awan dagiti ag-live-in partner a Lim ken Ballesteros iti maiwayat ti operasyon malaksid kadagiti 15 a gangannaet a no sadinno a 2 kadagitoy ket Taiwanese national, 13 ti Chinese national ken 7 a Pilipino nga adda da taga Dingras ken idiay Manila.
Mainaig iti daytoy, awan dagiti aniaman a madi a makitkita dagiti bumarangay iti Bgy. Medina iti ili ti Dingras nga aramid dagiti agigiyan iti compound dagiti ag-live-in partner a da John Chan Lim ken ni Elen Hankins Ballesteros iti nasao nga ili.
Pinasingkedan daytoy ni Bgy. Chairwoman Tomasa Revilla ti nasao a barangay.
Segun ken ni Revilla, ti laeng makitkita da ket dagiti sumrek ken rumuar a luglugan ken tattao.
Kuna na, idi ket nababa laeng ti inaladan na ngem itan ket nangaton ket adda cctv na.
Kuna na pay nga adda gundaway a binisita isu na dagiti taga engineering office a no sadinno a nagsalodsod da no adda maipatpatakder a building iti iuneg ti compound.
Inlawlawag na nga iti daytoy a pannakiyusuat ti raid iti nasao a compound ket saanda nga ammo nga adda ti sabali nga aktibidad dagiti aggigiyan a gangannaet ken kailian da.
