LAOAG CITY – Temporaryo a nawaya-wayaan dagiti 15 nga indibidual a natiliw gapu iti iligal a panagsugal iti Brgy 23 ditoy siudad ti Laoag.
Iti nakalap nga impormasyon ti Bombo Radyo Laoag, nagpiyansa dagiti maseknan iti 30 a ribo a pisos iti tunggal maysa.
Maipalagip a natiliw dagiti maseknan gapu iti ay-ayam a billards ken maipagarup nga adda ti pusta dagitoy.
Nakumpiskar dagiti otoridad dagiti billard stick, billard balls ken pusta nga umabot iti 3,055.
Inpetteng ti maysa kadagiti natiliw ket dua laeng dagiti agay-ayam ken manarimaan ti panagsanay da para iti pannakaipaset da iti torneyo idiay Candon, Ilocos Sur ken awan dagiti agpupusta.
