LAOAG CITY – Natay ti 15 nga indibidual ken 130 ti nasugatan, agraman ti 23 nga ubbing, kalpasan a natamaan ti Russian drones ti maysa a shopping mall idiay Kryvyi Rih, sentral ti Ukraine.
Segun ken ni Oleksandr Hanzha, mangidaulo ti Dnipropetrovsk regional military administration, karaman kadagiti natay dagiti biktima ti panangraut iti shopping center, kasaruno daytoy ti sabali pay a drone strike bayat a manarimaan ti rescue operations.
Inawagan ni Ukraine President Volodymyr Zelenskyy dagiti panangraut a “terrorist acts” ket kinunana a sungbatan ti Ukraine ti insidente.
Malaksid ken ni Kryvyi Rih, uppat a tattao pay, agraman ti tallo nga ubbing, ti napapatay iti naisina a panangraut ti Russia iti rehion ti Mykolaiv, bayat a dua a babbai ti natay iti panangraut iti rehion ti Kharkiv.
Kinuna ti Ukrainian Air Force a na-intercept wenno dinadaelda ti 107 kadagiti 135 a drone nga inyuswat ti Russia.
