LAOAG CITY – Naarestar ti maysa a lalaki kalpasan a binagko-bagkong na dagiti 15 nga indibidual iti tire factory iti central Japan.
Basar iti Fujisan Nanto Fire Department, lima kadagiti biktima ket kritikal ti kondisyon da iti ospital.
Inbatad ti Shizuoka prefectural police a ti naarestar a suspek ket agtawen ti 38, ngem saan a nangipaay ti aniaman a detalye, aglalo iti motibo na iti insidente.
Maipalagip a ti Japan ket naiget ti linteg da iti panangkontrol ti paltog ken manmano laeng dagiti nadamsak a krimen, ngem adda dagiti napaspasamak a panagatake usar ti kutsilto kadagiti naglabas a tawen.
