LAOAG CITY – Umaboten ti 15 a tattao ti naapektaran ti sakit a dengue idiay Dingras, Ilocos Norte.
Daytoy ti kinumpirmaran ni Mayor Erdio Valenzuela iti ili ti Dingras.
Inbatad na a 10 kadagiti biktima ti nasao a sakit ket residente da iti Barangay San Marcelino idinto a dagiti 5 ket taga Barangay Francisco.
Kuna pay ti mayor nga adda ti agtawen ti 3 nga ubing a taga Barangay San Marcelino a natay gapu ti nasao a sakit.
Gapu ti daytoy, inbilin na iti Municipal Health Officer ken dadduma pay a department heads a tutukan da ti nasao nga isyu.
Innayon na nga inbilin na a dagus ti pannakaipatungpal ti fumigation kadagiti barbarangay ti nasao nga ili.
Mainaig ti daytoy, inpakaammo ni Valenzuela nga agpapada a naka-confine iti Mariano Marcos Memorial Hospital and Medical Center iti ciudad ti Batac dagiti biktima ti sakit a dengue iti ili a Dingras.
