LAOAG CITY – Kasapulan ti 150 a minuto a moderate-intensity cardio activity kada lawas ken dua agingga tallo a daras nga strength training tapno agbalin a nasalun-at ti pammagbagi ti maysa a tao.
Daytoy ti inrakurak ti American Heart Association (AHA) basar iti naiyuswat a panagsukisok no kasano nga aramiden ti balanse nga exercise.
No agpada nga ar-aramiden ti nasao a workouts iti uneg ti maysa nga aldaw, nasken nga iyuna ti lift weights wenno ag-jogging pay laeng ken sumaruno ti ag-dumbbells.
Basar iti American Heart Association, naduktalan a maib-ibos ti adu nga enerhia ken bannog iti strength training ti cardio exercise ngem no magna pay laeng nga umuna ket agserbi daytoy kas warm up.
Naammoan a ti benepisio ti panag-cardio nga umuna sakbay ti weight training ket epektibo a mangpakissay ti fats, tapno pumigsa ken maaddaan ti muscles pakairamanan ti napaspas a metabolismo.
